ಶ್ರೀ ನಾರಾಯಣ ಗುರುದೇವ ಪ್ರತಿಷ್ಠಾನ (ರಿ.) ಮಂಗಳೂರು - ಇದು ಆಧ್ಯಾತ್ಮ ಸಂಸ್ಥೆ (SNGP)

|| ಓಂ ಶ್ರೀ ನಾರಾಯಣ ಪರಮ ಗುರವೇ ನಮಃ ||  *Sachidananda Swamiji*, *ಅಧ್ಯಕ್ಷರು*,  *Shree Narayana Guru Dharma Sangham Trust, Sivagiri Mutt* — ಇವರು ಐತಿಹಾಸಿಕ ಕುದ್ರೋಳಿ ತೀರ್ಥಾಟನೆಯ “ನಮ್ಮ ನಡೆ ಶ್ರೀ ಗುರುವಿನೆಡೆ” ಕಾರ್ಯಕ್ರಮದ ಧಾರ್ಮಿಕ ಉಪನ್ಯಾಸದಲ್ಲಿ ಮಹಾಗುರುವಿನ ಮಹಿಮೆ, ಆತ್ಮೀಯ ತತ್ತ್ವ ಮತ್ತು ಮಾನವೀಯ ಸಂದೇಶಗಳನ್ನು ಉಲ್ಲೇಖಿಸಿ, ಗುರುದೇವರನ್ನು *“ಭಗವಾನ್ ಶ್ರೀ ನಾರಾಯಣ ಗುರು”* ಎಂಬ ನಾಮದಿಂದ ಸಂಬೋಧಿಸಬೇಕು ಎಂದು ಸ್ಪಷ್ಟವಾಗಿ ತಿಳಿಸಿದ್ದಾರೆ. Shree Narayana Guru ಅವರ ದಿವ್ಯ ಜೀವನವು ಸಮಾನತೆ, ಸೌಹಾರ್ದತೆ ಮತ್ತು ಆತ್ಮೋನ್ನತಿಯ ದೀಪವಾಗಿದೆ. “ಒಂದೇ ಜಾತಿ, ಒಂದೇ ಧರ್ಮ, ಒಂದೇ ದೇವರು ಮಾನವನಿಗೆ” ಎಂಬ ಮಹೋಕ್ತಿಯ ಮೂಲಕ ಅವರು ಮಾನವಕುಲಕ್ಕೆ ಶಾಶ್ವತ ಸಂದೇಶ ನೀಡಿದ್ದಾರೆ. ಈ ಮಾತು ಭಕ್ತ ಸಮುದಾಯಕ್ಕೆ ಮಹತ್ವದ ಸಂದೇಶವಾಗಿದೆ. ಗುರುದೇವರ ಆಧ್ಯಾತ್ಮಿಕ ಪ್ರಕಾಶ, ಸಮಾಜೋದ್ದಾರಕ ಕಾರ್ಯಗಳು ಮತ್ತು ದಿವ್ಯ ಚಿಂತನೆಗಳನ್ನು ಮನನ ಮಾಡುತ್ತಾ, ಭಕ್ತಿಭಾವದಿಂದ “ಭಗವಾನ್ ಶ್ರೀ ನಾರಾಯಣ ಗುರು” ಎಂದು ಗೌರವಪೂರ್ವಕವಾಗಿ ಉಚ್ಚರಿಸುವುದು ನಮ್ಮ ಕೃತಜ್ಞತೆಯ ಅಭಿವ್ಯಕ್ತಿ. ಶ್ರೀ ಗುರುವಿನ ಕೃಪೆ ಎಲ್ಲರ ಮೇಲೂ ಇರಲಿ. ಶಾಂತಿ–ಸೌಹಾರ್ದ–ಧರ್ಮದ ಮಾರ್ಗದಲ್ಲಿ ನಾವು ನಡೆವುದೇ ಅವರಿಗಾದ ನಿಜವಾದ ಭಕ್ತಿ. || ಓಂ ಶ್ರೀ ನಾರಾಯಣ ಪರಮ ಗುರವೇ ನಮಃ || 🙏

|| ಓಂ ಶ್ರೀ ನಾರಾಯಣ ಪರಮ ಗುರವೇ ನಮಃ  ಶಿವಗಿರಿ ಮಠದ ಪೀಠಾಧಿಪತಿಗಳಾದ Swami Sachchidananda ಅವರ ದಿವ್ಯ ಹಸ್ತದಿಂದ ಕುದ್ರೋಳಿ ತೀರ್ಥಾಟನೆಗೆ ಭವ್ಯ ಚಾಲನೆ ದೊರೆಯಿತು. ಪರಮ ಪೂಜ್ಯರ ಆಶೀರ್ವಾದದೊಂದಿಗೆ  ಆರಂಭವಾದ ಈ ಪವಿತ್ರ ಯಾತ್ರೆ ,ಭಕ್ತರಲ್ಲಿ ಹೊಸ ಆತ್ಮೀಯತೆ, ಭಕ್ತಿ ಮತ್ತು ಉತ್ಸಾಹವನ್ನು ಮೂಡಿಸಿತು. ಶ್ರೀ ಗೋಕರ್ಣನಾಥ ಕ್ಷೇತ್ರ ಕುದ್ರೋಳಿ -ಕ್ಷೇತ್ರದ ಇತಿಹಾಸ ಪ್ರಸಿದ್ಧ ತೀರ್ಥಾಟನೆಗೆ ಈ ಮಹತ್ವದ ಕ್ಷಣ ವಿಶೇಷ ಆಧ್ಯಾತ್ಮಿಕ ಸ್ಪಂದನ ನೀಡಿತು. ಶ್ರೀ ಗುರುವಿನ ಕೃಪೆಯಿಂದ ಎಲ್ಲರ ಬದುಕಿನಲ್ಲಿ ಸುಖ,ಶಾಂತಿ, ಸಮೃದ್ಧಿ,  ನೆಲೆಸಲಿ… ಓಂ ಶ್ರೀ ನಾರಾಯಣ ಪರಮ ಗುರವೇ ನಮಃ 🙏

🕉️ ಶ್ರೀ ನಾರಾಯಣ ಗುರುಗಳ ದಿವ್ಯ ತತ್ತ್ವವಾಣಿ ಒಂದೇ ಜಾತಿ, ಒಂದೇ ಧರ್ಮ, ಒಂದೇ ದೇವರು – ಮಾನವನಿಗೆ ಗುರುದೇವರು ಬೋಧಿಸಿದ ಈ ಮಹಾವಾಕ್ಯವೇ ಜಗತ್ತಿನ ಶಾಂತಿಗೆ ದಾರಿ. ಭೇದಗಳೆಲ್ಲ ಅಹಂಕಾರ; ಮಾನವೀಯತೆಯೇ ನಿಜವಾದ ಆರಾಧನೆ. ಗುರುವೇ ಬೆಳಕು, ಗುರುವೇ ದಾರಿ ಅಜ್ಞಾನ ಅಂಧಕಾರದಲ್ಲಿ ದಾರಿತೋರಿದ ದಿವ್ಯ ಜ್ಯೋತಿ – ಗುರುವೇ. ಗುರುಕೃಪೆಯಿಂದಲೇ ಆತ್ಮಜ್ಞಾನೋದಯ. ಜ್ಞಾನವೇ ಪರಮ ಭಕ್ತಿ ಕಣ್ಣು ಮುಚ್ಚಿದ ಪೂಜೆಗಿಂತ, ಹೃದಯ ತೆರೆದ ಜ್ಞಾನವೇ ದೇವರಿಗೆ ಪ್ರಿಯ. ದೇವರು ಮಂದಿರದಲ್ಲಷ್ಟೇ ಅಲ್ಲ, ಮನದಲ್ಲಿದ್ದಾನೆ ಶುದ್ಧ ಹೃದಯವೇ ದೇವಾಲಯ, ಸತ್ಯ ಜೀವನವೇ ಪೂಜೆ. ಕರುಣೆಯೇ ಧರ್ಮದ ಉಸಿರು ಜೀವಿಗಳೆಲ್ಲರಲ್ಲೂ ದೇವರನ್ನು ಕಂಡು ಪ್ರೀತಿಸುವುದೇ ಶ್ರೇಷ್ಠ ಸಾಧನೆ. ಸತ್ಯವೇ ಶಿವ, ಶಿವವೇ ಸತ್ಯ ಸುಳ್ಳಿನ ದಾರಿಯಲ್ಲಿ ಭಕ್ತಿ ಇಲ್ಲ; ಸತ್ಯದ ಮಾರ್ಗದಲ್ಲೇ ಮೋಕ್ಷ. ಆಚಾರಕ್ಕಿಂತ ಆತ್ಮಶುದ್ಧಿ ಮುಖ್ಯ ಹೊರಗಿನ ವಿಧಿವಿಧಾನಕ್ಕಿಂತ ಒಳಗಿನ ಪರಿಶುದ್ಧತೆಯೇ ದೇವಸಾನ್ನಿಧ್ಯ. ಶಿಕ್ಷಣವೇ ಆತ್ಮೋನ್ನತಿಯ ದೀಪ ವಿದ್ಯೆಯಿಂದ ಅಜ್ಞಾನ ಕರಗುತ್ತದೆ, ಆತ್ಮಕ್ಕೆ ಬೆಳಕು ದೊರೆಯುತ್ತದೆ. ಮಾನವ ಸೇವೆಯೇ ದೇವ ಸೇವೆ ಬಡವ, ದೀನ, ದುರ್ಬಲನ ಸೇವೆಯಲ್ಲಿ ದೇವರು ಸಂತೋಷಪಡುತ್ತಾನೆ. ಮಾನವ ಧರ್ಮವೇ ಪರಮ ಧರ್ಮ ಪ್ರೀತಿ, ಸಮಾನತೆ, ಸಹೋದರತ್ವ – ಇವೇ ಗುರುದೇವರ ಸಂದೇಶ.